MANILA, Philippines – Na-angkon sang 9-anyos nga Pilipino ang bulawan nga medalya kag nangin overall champion sa Natural Science category sang VII Copernicus Olympiad Global Round nga ginhiwat sa Rice University sa Houston, Texas.
Sa edad nga lamharon ni Warren Wade Casuga, ang iya kadalag-an naghatag ini sang kasaysayan sa pungsod Pilipinas kag bilang isa ka estudiyante man sa Holy Infant Academy sa Calapan City, Oriental Mindoro.
Napierdi ni Casuga ang16 ka iban pa nga contestant lakip na ang United States, Brazil, China, Taiwan, Vietnam, Azerbaijan, Bolivia, Indonesia, Jordan, Kazakhstan, Pakistan, Mexico, Mongolia, Peru, Romania kag Turkey.
Magluwas sa bulawan nga medalya kag certificate, nakabaton man si Casuga sang bag-o nga iPad, samtang nakakuha sang pasidungog ang deligasyon Pilipinas sa kategorya nga Physics kag Astronomy.
Kadungan sa pasinawan nakuha man ni Benedict Irvin Drex Rizon sang Philippine Science High School–Central Visayas Campus ang silver medal kag nangin second-place winner sa Category 1 – Physics and Astronomy kag representante sang Philippine Science High School nga si Khiane Lanz Dalut nga nakuha ang bronze medal sa kapareho nga kategorya.
Sa karon nahibaluan nga ang Copernicus Olympiad isa ka academic international competition nga nagatipon sang lamharon nga estudiante mga gikan sa nagkalainlain nga pungsod paagi sa qualifying rounds nga nagatapos sa Global Round.
