ROXAS CITY –Yara na sa luwas nga kahimtangan ang siyam ka persona nga sakay sa sakayan pandagat nga naaberiya sa tunga sang lawud.
Sa exclusive interview sang Bombo Radyo kay PCG-Capiz Deputy Commander Chief Petty officer Adan Ayotela, ginpahayag sini nga tatlo ka oras nga nagpalutaw lutaw sa dagat sanday Dedicacion Castillo, Manuel Teorica Jr., Jude Florero, Ma. Ethel Joy Teorica, Manuel Teorica III, Chris Acer Ayosa, Josan Pedro, Rogelio Castillo kag Ralph Castillo antes na-rescue sang Philippine Coast Guard ukon PCG-Capiz.
Nahibaluan nga magapadulong kuntani sa Maba-ay island, banwa sang Ivisan, Capiz ang grupo sang hinali nga nag-untat ang makina sang sakayan pandagat.
Maswerte lamang nga may mga residente nga nakakita sa nasambit nga sakayan pandagat nga amo ang nag-imporma sa PCG nga gilayon nagpalawud para ma-rescue ang mga biktima.
