ROXAS CITY – Natigayon nga mapasakaan sang kaso nga paglapas sa Presidential Decree No. 1602 ukon Anti-illegal gambling law ang 9 tanan ka mga persona nga nadakpan nga nagapatigayon sang iligal nga pagbulang sa Purok 1 Brgy. Libas, Roxas City.
Samtang ginkustodiya naman ang 14-anyos nga menor de edad sa Women and Children protection sa Roxas City PNP.
Matandaan nga ginkilala ang mga nagkaladakpan nga sanday John Art Acotillar 19-anyos, Ronel Echona Cervales 35-anyos lunsay residente sang barangay Barra, Ramilo Acutillar Balquidra residente sang barangay Dayao, Dennis Yap Dela Cruz 40-anyos residente sang Purok II, Lynel Embucado Jacinto residente sang Purok I, Arnulfo Amanca Arpruebo 48-anyos, Herbert De Guzman 26-anyos, Michael Pancho Marfil 32-anyos lunsay mga residente sang Purok I barangay Libas.
Narekober sa mga nagkaladakpan ang 4 ka mga buhi nga inugbulang nga manok, P2,500 nga kwarta kag pila ka mga gamit sa pagbulang.
Sa karon, nagapabilin sa karsel sang Roxas City PNP ang mga nagkaladakpan kag nagahulat kun pila ang pyansa nga igarekomendar sang korte.
