9 ka Palestine patay, sa pag-atake sang Israel sa Bureij refugee camp

Patay ang siyam nga Palestino nga ginakalakipan sang lima ka mga kabataan, matapos ang ginhimo nga pagpang-atake sang Israeli forces sa mga puluy-an sa Bureij refugee camp sang central Gaza Strip.

Madamo nga mga biktima ang ginpadangat sa ospital matapos mag-angkon sang mga pilas sa nagkalain-lain nga parte sang ila lawas.

Mahibaluan nga magluwas sa Bureij refugee camp, nagpatigayon man sang pagpang-atake ang Israeli forces sa mga kaiping nga refugee camps sa central Gaza.

Apisar nga padayon ang panawagan sang mga pungsod nga untaton na ang pagpang-atake sang Israel sa Gaza, wala sa gihapon nila ini ginpamatian.