ROXAS CITY-Patay ang 9 ka tuig nga babayi matapos nga nabungguan sang multicab sa National Highway sa Barangay Atiplo, Mambusao Capiz.
Ginkilala ang driver sang multicab nga si Marve Denosta, 26-anyos residente sang Barangay Piña, Maayon Capiz.Sandig sa inisyal nga imbestigasyon ni PSSg Johnny Delos Santos, imbestigador sang Mambusao Municipal Police Station, nagaguwa nga samtang ginasubay sang multicab ang dalan nga ginamaneho sang nasambit nga driver nga magapadulong kuntani sa banwa sang Jamindan agud idul-ong ang iya nga nobya, aksidente sini nga nabungguan ang 9 ka tuig nga biktima nga residente sang Barangay Oyong, Sigma Capiz nga ginaalega hinali nga nagtabok sa dalan.Nag-angkon sang pilas sa ulo ang biktima nga gilayon nga gindala sa Mambusao District Hospital apang gindeklarar nga dead on arrival sang attending physician.
Mahibaluan nga bag-o gid lamang naghalin sa balay sang iya maninay ang biktima matapos nga nagpamaskwa.Sa karon nagapabilin sa kustodiya sang Mambusao Municipal Police Station ang nasambit nga driver.
