9 ka-tuig nga bata ginaalegar na hit and run sang motorsiklo

PANAY, CAPIZ – Pilason ang siyam ka-tuig nga bata matapos nga ginaalegar na hit and run sa Barangay Cabugao Este, Panay, Capiz.

Base sa Panay PNP nga samtang nagakaroling ang wala na ginhingadlan nga biktima kaupod ang iya mga pakaisa sang hinali na lamang ini nga ginbungguan sang wala matumod nga driver sang motorsiklo.

Bangud diri, nag-angkon sang mga pilas sa ulo kag kalawasan ang nasambit nga menor de-edad kag gilayon naman nga gindala sa ospital agud dapatan sang nagakaigo nga pagbulong.

Apang, madasig naman nga nagpalagyo ang suspek matapos ang insidente.

Samtang, nagapadayon naman ang imbestigasyon sang mga kapulisan agud matumod ang driver nga responsable sa pagkabunggo sa nasambit nga biktima.