-- ADVERTISEMENT --
PONTEVEDRA, CAPIZ – Yara na sa maayo nga kondisyon ang siyam ka tuig nga bata nga lalaki matapos aksidente nga nabungguan sang isa ka motorsiklo nga ginamaneho sang 17-anyos nga solterito sa Ilaya, Pontevedra, Capiz.
Sandig sa imbestigasyon sang kapulisan sa banwa sang Pontevedra nga nagahampang sa kilid sang karsada ang menor de edad sang nabungguan sang solterito nga madasig ang pagpadalagan sang motorsiklo.
Nag-angkon sang pilas sa ulo ang biktima nga gilayon ginpadangat sa ospital agud madapatan sang nagakaigo nga pagbulong.
Samtang yara karon sa kostodiya sang Municipal Social Welfare and Development Office sa amo nga banwa ang solterito.
