Indi halos makapati ang siyam ka tuig nga dalagita nga mahimo siya himuslan sang ginakabig nga barkada.
Natabo ang ginaalegar paghimulos kay Alyas Ann sa isa ka abandonado nga restaurant sa diin may isa ka hulot nga nagaserbe nga palahuwayan sang biktima kun indi ini makapauli sa giateniran nga balay sang tiya.
Sa interview sang Bombo Radyo kay Bebe, tiya sang biktima nga nag-apas sa naga-inum nga mga menor de edad nga mga kalalakinhan ang hinablos sa diin sang mahubog, natulugan ini.
Gindala ang biktima sa abandonado nga restaurant kag didto ginhimo sang binatilyo ang paghimulos sa biktima.
Suno sa tiya ni Ann, yara sa iya poder ang hinablos bangud nagatrabaho ang mga giikanan sini.
Nahibaluan lamang sini nga ginhimuslan ang biktima matapos nagsugid sa iya ang isa nila ka himata nga nakita nga nagahibi ang dalagita.
Matapos pamangkuton sang tiya, nag-ako naman ang biktima nga ginsaysay pa ang natabo.
Ginpahayag nga may pagkasutil ang biktima kag mahilig maglagaw kaupod ang barkada.
Samtang nagaguha sa medical examination nga may old healed laceration ang kinatawo sang biktima.
