ROXAS CITY – Nadakpan sang naga-roving nga kapulisan ang 9 ka mga curfew violators nga yara pa sa dalanon sa disoras sa kagab-ihon.
Kalaip diri sanday Dexter Alapane 27-anyos sang New Guia, Maayon apang temporaryo nagaestar sa Rizal St., sining syudad; Jeffrey Mucyo 19, Ernesto Aguilar 22-anyos kag 17-anyos nga menor de edad mga residente sang Dulunan, Barangay Bolo, Roxas City; John Estores 26-anyos, Robert Baclor 20-anyos; Arvin James Abucay 18-anyos sang Bayot drive, Barangay 9; Gayle Marzen Tulio 19-anyos kag Leo Abordo 27-anyos sang Punta Cogon, Roxas City.
Sandig sa imbestigasyon sang Roxas City PNP, nalabayan sang nagaroving nga mga pulis ang nahinambitan nga mga persona nga naga-istambay sa Roxas Avenue kag ang iban naga-inum bisan disoras na sang gab-i. Nahibaluan istrikto nga ginapatuman ang curfew hour bangud sa pagtaas sang kaso sang COVID-19 sa syudad sang Roxas
