ROXAS CITY – Nakabaton na sang tig P5000 nga ayuda ang yara sa 946 ka mga mangunguma sa banwa sang pontevedra sadtong Pebrero 27, 2022.
Ini ang ginkumpirmar ni Mrs. Cherryll Cordenillo Municipal Agriculturist sang nasambit nga banwa.
Suno kay Cordenillo nga yara sa 970 ang ila allocation sa mga resipyente apang sang ila ini ginberipika nahibaluan nga ang iban diri ang mga nakalamatay na kag 946 nalang ang nabilin sa pinal nga listahan sa Department of Agriculture.
Ginpahayag ni Cordenillo nga kun ang isa ka benepisyaryo ang wala diri sa tion sang pag-release mahimo ini nga maka pre-validate kag makakuha sang pay-out sa lugar nga nahamtangan basta may yara lang sang USST center.
Aminado man ini nga pagkatapos sang ila nga pre-validation may yara sang mga may nagreklamo sa ila munisipyo bangud may duwa ka barangay sa banwa sang Pontevedra ang wala gid sang benepisyaryo sa nasambit nga ayuda.
Ang duwa ka barangay amo ang Brgy. Malag-it kag Brgy.
San Pedro kun sa diin madamo man sang mangunguma diri apang wala nadala sa listahan sang Department of Agriculture kag indi man nila ini ma-intrahan.
Suno diri nga ila na ini ginpalab-ot sa DA region apang ang sabat sa ila kun may magreklamo magsulat lang sa nasambit nga ahensya kag kun may yara man sang wala madala posible suno diri nga naabtan sang cut-off kag wala matapos ang pag-encode sang DA.
Mahibaluan nga 1,752 ang mga identified farmers sa banwa sang Pontevedra apang 946 lang diri ang nakabaton lang sang ayuda.
