ROXAS CITY – Madinalag-on nga nag gradwar ang 96 tanan ka mga drug surrenderees matapos nga madinalag-on nagtapos ang 12 ka mga sessions sang Community Based Rehabilitation Program.
Suno kay Police Master Sergeant Ramil Arcangeles, Public Information Officer sang Roxas City Police Station nga makabig man nga epektibo ang pagpaidalum sang Community Based Rehabilitation Program bangud sa 139 ka mga drug surrenderees, 96 diri ang naggradwar nga nagikan sa 12 ka mga barangays.
Ang nasambit nga mga barangays ang ginalakipan sang Barangays Lonoy, Culasi, Bato, Cogon, Mongpong, Jumaguicjic, Barra, Dayao, Loctugan, Bago, Lanot kag Cabugao.
Mahibaluan nga 139 ini sila apang ang nabilin indi pa ma konsiderar nga drug cleared/drug free bangud may yara pa sila sang mga proseso nga kinahanglan nila ma-comply agud mahambal nga drug free na ang mga ini.
Dugang pa ni Arcangeles nga apisar matawag nga nag gradwar sila apang nagapadayon sa gihapon ang ila sini monitoring agud masigurado nga wala na sang magamit sang iligal nga droga ang nasambit nga mga surrenderees.
