Ginpamatud-an sang isa ka 97-anyos nga negosyante sa Singapore nga “age doesn’t matter” pag-abot sa gugma kag sa kasuguan matapos magdaug sa kaso batok sa iya kaugalingon nga anak nga babayi nga nagabalabag sa iya kasal.
Ang gamo nagsugod sang gin-anunsyo sang tigulang ang iya mga plano nga pakaslan ang iya partner sa sulod sang masobra 50 ka tuig.
Ginpamatukan ini sang iya ikaduha nga anak nga babaye kag nag-file sang petisyon sa korte agud ideklarar ang iya amay nga may dementia kag “mentally incapacitated” gani ginadaya lang ini sang babaye.
Apang, ginbasura ini sang korte ang argumento.
Suno sa korte, apisar nga may yara sang memory loss ang 97-anyos nga isa tawo, nagapabilin ini sa gihapon nga maathag kag may ikasarang sa paghimo sang mga desisyon para sa iya kaugalingon kag sa iya kompanya.
Bilang balos sa pagbalabag sang anak, gin-amyendahan sang tigulang ang iya testamento sa diin gin-kakas niya ang mana sa iya anak kag apo, kag nagpasaka sang counter-suit agud mabawi ang $3.8 million SGD nga balor sang assets.
Sa subong, nagahulat nalang ini sang disesyon sang korte bangud nagpasaka liwat sang appeal ang iya anak.
