97-anyos nga stroke survivor, na-break ang Guinness world record sa wing walking

Na-break liwat sang isa ka Briton ang iya kaugalingon nga Guinness World Record matapos mag-perform sang wing walking sa edad nga 97, isa ka tuig lang matapos nga na-stroke.

Si Betty Bromage, isa ka residente sang Cheltenham sa England.

Bangud sini, liwat niya nga nakuha ang rekord bilang pinakatigulang nga babaye nga wing walker sa kalibutan.

Suno kay Bromage, luyag sini nga padayunon ang mga butang nga masarangan pa niya sa pihak sang iya edad.

Ang iya wing walk kabahin man sang pagtipon sang pundo para sa stroke unit sang Cheltenham General Hospital, kon sa diin ginbulong siya pagkatapos nga na-stroke sang nagligad nga tuig.