Naglab-ot sa kapin 98 ka mga indibidwal ang gin-aresto sang mga otoridad sa Paris, France matapos nagluntad ang kinagamo kasunod sang pagkalutos sang France batok sa Spain sa semifinals sang 2026 FIFA World Cup.
Suno kay Vladelyte Valdez, Bombo International Correspondent sa France, iya ginpahayag nga 21 sa mga naaresto ang menor de edad, base sa impormasyon sang Paris Public Prosecutor’s Office.
Pahayag pa niya, kadam-an sa mga kaso may kaangtanan sa pagpalupok sang mortar fireworks nga ginatarget ang mga estasyon sang bombero kag mga salakyan sang kapulisan.
May mga indibidwal man nga nagsunog sang 12 ka basurahan sa Raymond Queneau Street, samtang ang mga bombero nga nagresponde sa sunog ginpabuthan man sang mortar fireworks. Nadamage man ang isa ka supermarket matapos matandog sang paputok ang bintana sini.
Dugang pa sini, ang insidente ang kadungan man sang pagsaulog sang Bastille Day, isa sa pinakamalapnagon nga selebrasyon sa France, rason nga mas madamo ang tawo sa mga kadalanan sang siyudad.
