ROXAS CITY – Kasubong nga indi pa makapati si Roselle Concepcion, anak sang napatay nga si Roger kag utod sang solterito nga si John Rey sa malain nga nadangatan sang iya mahal sa kabuhi.
Ginpahayag ni Roselle nga nagpadulong ini sa ila balay agud tsekyaron kun nakapauli na ang manghod nga si John Rey.
Apang ginkakibot na lamang sini sang makita ang nagahamyangon nga lawas sang amay kag utod nga ginapatihan sini nakuryente.
Suno kay Roselle nga luyag sini kuntani nga mauyatan ang amay kag manghod, apang nabalaka nga pati siya ang makuryente.
Gani nagpangayo ini sang bulig sa ila mga kaingud balay nga gilayon man nagresponde sa lugar.
Gindala pa nila nga gindala sa ospital ang mga biktima, apang gindeklara nga dead on arrival.
Samtang alas syete na sang gab-I nakita ang anum ka tuig nga bata nga paryente man sang mga biktima kag ginapatihan man nga nakuryente bangud nakita ang sunog sa iya lawas.
Ginapatihan nga posible nagpanglaktod ang bata pauli sa ila balay kag aksidente sini nga nauyatan ang wiring rason ini ang nakuryente.
