Gin-athag ni Naga City Mayor kag Former Vice President Leni Robredo nga wala siya sang plano nga magpadalagan sa anuman nga mataas nga posisyon sa national 2028 elections.
Suno sa alkalde, madamo pa siya sang dapat ubrahon sa Syudad sang Naga rason nga nasentro ang iya atensyon sa k pagdumala sini.
Ginpanindugan sini, indi siya mag-file sang kandidatura para sa ano man nga national position sa masunod nga eleksyon.
Gin-ako man ni Mayor Robredo nga malip-ot lang ang tatlo ka tuig nga termino sa lokal nga gobyerno, gani luyag niya nga mas tutukan ang mga urban programs kag ang mga kinahanglanon sang iya mga pumuluyo.
Dugang pa sini nga madamo ang naga-engganyo sa iya nga magdalagan liwat para sa mas mataas nga posisyon, apang nagapabilin ini nga nakatutok sa iya subong nga responsibilidad bilang alkalde sang Naga.
