Plano sang Department of Agriculture (DA) nga pasanyugon ang lokal nga produksyon kag mga proyekto sa solar irrigation bilang preparasyon sa ginapaabot nga epekto sang Super El Niño.
Suno kay DA Assistant Secretary kag Spokesperson Arnel De Mesa, makatipid ang mga mangunguma paagi sa solar irrigation paagi sa pagpanubo sang gasto sa gatong kag paggamit sang sustainable water sources.
Ang DA nagatrabaho man sa pagsiguro sang nagakaigo nga suplay sang abono para sa mga mangunguma, samtang ginauna ang mga lugar nga may irrigation system sa tion sang tig-ilinit agud malikawan ang mga pagka-delay sa produksyon.
Ginduso man ni De Mesa ang dugang nga pamuhunan sa mga proyekto sa pagtipon sang tubig sa sulod sang mga watershed areas agud magamit ang nakolekta nga tubig-ulan para sa irrigation, tubig nga ilimnon, kag hydroelectric power generation.
