Nagapati ang isa ka legal expert nga dapat gilayon nga padayunon ang arraignment sang kaso batok kay Vice President Sara Duterte kun indi maaprubahan ang ginahingyo nga Temporary Restraining Order (TRO).
Sa interview sang Bombo Radyo kay Atty. Ephraim Cortez, President sang National Union of People’s Lawyers, iya ginpahayag nga ang TRO lang ang makapugong sa pagpadayon sang proceedings, lakip na ang arraignment sa kaso.
Suno kay Cortez, kinahanglan nga makuha sang Bise Presidente ang TRO agud malikawan ang pagpadayon sang arraignment kag pag-padayon sang kaso batok sa iya.
Pahayag pa niya, sa subong, ang Presidente lang ang may immunity batok sa mga criminal cases samtang nagapungko sa pwesto.
Nagalaum man ang natungdan nga mangin maathag ang tikang sang korte may kaangtanan sa ginahingyo nga TRO kag sa pagpadayon sang kaso batuk kay Duterte.
