Liwat nga nabawi sang Irishman nga si Eamonn Keaveney ang Guinness World Record para sa “longest barefoot journey” pagkatapos nga naglakat nga wala sang suksuk nga sapatos ukon tsinelas sa kapin sa 6,800 kilometers halin sa Istanbul, Turkey pakadto sa Ireland.
Sa sulod sang 369 ka adlaw, si Keaveney naglakat sang 6,805.83 kilometers antes nakalab-ot sa Claremorris, County Mayo sang Marso 7.
Ini nga rekord indi bag-o kay Keaveney pagkatapos niya nakuha Ang una nga rekord sang paglakat nga wala sang tsinelas sang 2016 kag ang pinakamadasig nga pagtabok sa Ireland gamit ang unicycle sang 2023.
Sa iya pagpanglakaton, nakaeksperyensyahan niya ang pagdugo kag mga pilas sa dapadapa sang iya mga tiil, mga tusok kag mga gasgas sang tunok, mga infection, tuman nga kainit kag matugnaw nga panahon.
Ang iya ruta nag-agi sa siyam ka pungsod antes nakalab-ot sa Ireland.
Para kay Keaveny daku ini nga kadalag-an para sa iya bangud sadto ginahandum niya lang anay sang una apang subong natabo na.
