15 ka mga indibidwal, patay samtang 50 naman ang pilason matapos ang paglupok sang isa ka Mosque sa Pakistan

Indi magnubo sa 15 ka tawo ang napatay kag masobra 50 ang pilason kasunod sang paglupok sa isa ka mosque sa Kohat, Khyber Pakhtunkhwa province, Pakistan.

Base sa mga report, ang isa ka salakyan nga may karga nga mga eksplosibo nag nagbunggo sa entrace sang mosque nga nahamtang sa sulod sang police headquarters, samtang ang mga tawo nagatipon para sa Friday prayers.

Suno kay Dr. Tahir Shah, gindala pa sa ospital amg indi magnubo sa 15 ka patay nga lawas kag masobra 50 ka pilason.

Posible nga magadamo pa ang casualties bangud kritikal ang kahimtangan sang pila ka mga pilason.

Sa subong, padayon pa nga gina-imbestigaran sang mga otoridad kon sin-o ang responsibilidad sang insidente.