Ginadumdum subong nga adlaw, Setyembre 21, 2026, ang ika-54 nga anibersaryo sang deklarasyon sang Martial Law sa Pilipinas sa idalum ni anay President Ferdinand Marcos Sr.
Gindeklarar ang Martial Law sa idalum sang Proclamation No.1081, nga ginpirmahan ni Marcos sadtong Setyembre 21, 1972, bangud sang ginaalegar pamahog sa seguridad kag katawhay sang pungsod.
Sa panahon sang Martial Law, limitado ang kahilwayan sang media bangud pila ka mga estasyon sang radyo, estasyon sang telebisyon kag mga pamantalaan ang ginsirado ukon ginsuspender, kag may mga report man sang human rights violation.
Isa man ini sa pinakamadulom nga bahin sang kasaysayan sang Pilipinas bangud ang administrasyon may hugot nga kontrol sa nagkalain-lain nga bahin sang kabuhi sang mga Pilipino.
Ini ang ginasaulog kada tuig agud dumdumon ang mga hitabo kag eksperyensya sang mga Pilipino sa nasambit nga panahon sang kasaysayan.
May mga grupo man nga magapatigayon subong sang pagtililipon kag protesta sa Metro Manila agud ipanawagan ang accountability kag transparency sa gobyerno.
Importante man ang commemoration agud mapabilin ang ihibalo sang publiko, ilabi na sang mga pamatan-on, nahanungod sa kasaysayan sang pungsod.
