Nakit-an man sa General Information Sheets (GIS) sang Metro City Chow Foods Corporation nga nangin member sang board of directors kag stockholder si Vice President Sara Duterte humalin 2018 tubtob 2025.
Sa ginpatigayon nga redirect examination sa impeachment trial, ginkwestyon ni private prosecutor Atty. Erwin Matib ang abogado sang Security and Exchange Commission nga si Atty. Gerardo Del Rosario kun ano ang interes ukon papel ni Duterte sa nasambit nga kompaniya.
Suno kay Del Rosario, base sa GIS sang Metro City Chow Foods Corporation, daw kaangay nga isa si Duterte sa board of directors kag stockholders sang kompaniya sa nasambit nga panahon.
Ang amo nga mga rekord sang korporasyon nalakip sa mga dokumento nga ginausisa sa impeachment trial nga may kaangtanan sa mga business interest ni Duterte.
