Tuman ang kasadya sang mga Pilipino fans matapos makuha sang pilipinas ang pinakauna nga gold medal sa Asian Games.
Ang nasambit nga gold medal ang naghatag sang daku nga dungog sa pungsod, samtang nagapadayon ang kompetisyon kag ang pagpaninguha sang mga pilipino atleta nga makakuha sang dugang pa nga medalya para sa Pilipinas.
Nakuha ni Carlos Yulo ang gold medal matapos ang iya performance sa men’s floor exercise final.
Suno kay Bombo Hannah Galvez, International Correspondent sa Japan, daku gid ang kasadya sang mga fans matapos makuha sang Pilipinas ang una sang bulawan nga medalya sa nasambit nga kompetisyon.
Dugang pa sini, apisar may mga issue sa personal kag pamilya si Yulo, wala ini nangin upang agud iya ipakita ang iya nga abilidad sa patag sang sports.
Ginapakita man sang mga filipino fans ang ila suporta sa mga atleta nga nagarepresentar sa pungsod, ilabi na sa mga kompetisyon nga ginalauman nga makahatag pa sang dugang nga medalya.
Sa kabug-osan, 447 ka mga atleta ang pambato sang pilipinas sa asian games, nga naga-intra sa diverse sports.
Samtang nagapadayon ang Asian Games, nagapabilin ang paglaum sang mga Pilipino nga madugangan pa ang medalya nga makuha sang aton mga atleta.
