Ginatudlo sang pila ka mga tricycle driver ang pagkadula sang kontrol sang gobyerno sa presyo sang gatong bilang isa sa mga rason sang padayon nga pagsaka sini.
Sa interview sang Bombo Radyo kay Mr. Ian De Pedro, isa ka tricycle driver, iya ginpahayag nga tatlo na ka semana ang pagsaka sang presyo sang gatong nga nakahatag sang daku kabudlayan para sa ila ilabi na sa ila pagkinahanglan sa adlaw-adlaw.
Suno kay De Pedro, sa adlaw-adlaw niya nga pagbyahe, yara lamang sa P300 ang iya nga maapuli sa iya pamilya kag indi gid makaigo para sa ila.
Pahayag pa niya, nagahatag man sang dugang nga gastos sa tion nga maaberya ang iya sini ginabyahe nga tricycle bangud maibanan ang kita nga dapat sa ila nga pagkaon kag pagginawi.
Dugang pa sang natungdan, oras na nga i-basura ang Republic Act No. 8479 ukon ang Downstream Oil Industry Deregulation Law kag indi na paghulaton nga mas magtaas pa gid ang presyo sang gatong.
