Napaslawan ang Alas Pilipinas Men’s team sa ila opening match batok sa South Korea sa Men’s Volleyball Pool D sang 2026 Asian Games.
Nabudlayan ang Pilipinas sa una nga set bangud sa service errors nga ginpanginpuslan sang South Korea agud makuha ang 25-16 nga kadalag-an.
Mas nagin dikit pa gid ang ila hampang sa ikaduha nga set, kon sa diin nag-abanse ang Pilipinas apang nabawi ini sang Korea.
Pag-abot sang thrid set, liwat na nakabawi ang Pilipinas apang wala naghatag sang tyansa ang South Korea kag dalayon nga gintapos ang hampang.
Nagpanguna sa opensa sang Pilipinas ang team captain nga si Bryan Bagunas nga nakakuha sang 15 points, samtang si Joshua Magalamaan ang nakakuha sang 13 points.
Kaupod sang Pilipinas kag South Korea sa pool D amo ang China kag Chinese Taipei.
