Ginahulat sang mga jeepney driver sa Roxas City ang bag-o nga taripa halin sa Land Transportation Office ukon LTO antes ipatuman ang pagsaka sang pamasahe.
Base sa bag-o pletehan, ang traditional jeepney ang yara sa P14 sa first 4 kilometers, halin sa P13, samtang P2 naman ang dugang sa kada kilometro, halin sa P1.80. Para sa modern jeepney, P17 ang first 4 kilometers, halin sa P15, kag P2.40 ang dugang sa kada kilometro, halin sa P2.20.
Sa interview sang Bombo Radyo kay Jojo Deroy, isa ka traditional jeepney driver sa Roxas City, iya ginpahayag nga nagakalipay siya sa pagsaka sang pamasahe bangod makabulig ini sa ila kita, ilabi na sa nagasaka nga presyo sang gatong.
Suno kay Deroy, dako ang epekto sang kamahal sang gatong sa ila kita, gani ang dugang sa pamasahe makabulig sa ila pagbalanse sang adlaw-adlaw nga gasto.
Samtang, may pagbag-o man sa pamasahe sang Ceres bus sa ruta nga Roxas City-Iloilo kag Iloilo-Roxas City Para sa air-conditioned bus, ang regular fare yara sa P259 tubtob P300, ukon P41 ang dugang, samtang ang discounted fare para sa estudyante kag PWD yara sa P207 tubtob P240, ukon P33 ang dugang.
