Nagapati ang constitutional law professor nga posible magadala sang mga dokumento si anay senador Antonio “Sonny” Trillanes IV bilang kabahin sang ebidensya sang prosecution sa Article II ukon unexplained wealth sa impeachment trial ni VP Sara.
Sa interview sang Bombo Radyo kay Atty. Tony La Viña, iya ginpahayag nga apisar sa mga dokumento sang anay senador makabig man nga importante nga impormasyon ang possible testimonya ni Davao City Mayor Sebastian “Baste” Duterte may kaangtanan sa alegasyon sang unexplained wealth.
Suno kay La Viña, mahimo makahatag si Baste sang importante nga impormasyon parte sa mga kontrata kag transaksyon sang Davao City Government may kaangtanan sa mga kompanya nga gin-deklara ni VP Sara Duterte sa iya SALN.
Dugang pa niya, importante nga maathag kun may mga kontrata nga ginhatag sa mga kompanya nga may kaangtanan sa pamilya Duterte kag kun may mga dokumento nga makasuporta sini.
Lakip diri ang Gencorp, nga gin-deklara ni Sara Duterte bilang isa ka business interest, nakakuha sang mga kontrata halin sa Davao City Government.
