Ginalauman ang P11 kada bulan nga estimated savings sang isa ka average household sa idalom sang hagna nga nagatuyo nga madula ang non-technical system loss sa balayran sa kuryente.
Sa interpellation ni Senate President Sherwin Gatchalian sa sponsor sang Senate Bill No. 2486 ukon sang Systems Loss Charge Removal Act Senator Erwin Tulfo, ginpahayag ni Tulfo nga ang savings ang nabase sa estimated consumption nga 200 kilowatt-hours kada bulan.
Samtang, ang non-technical system loss ang ginasiling nga naghalin sa mga insidente kaangay sang pagpangawat sang kuryente, pag-tamper sang metro, kag paggamit sang mga jumper.
Suno kay Tulfo, nagalab-ot sa P11 kada bulan ang ginabulubanta nga pagnubo sang bill sang isa ka ordinaryo nga pamilya halin lang sa non-technical system loss, wala pa labot ang epekto sang pagkuha sang value-added tax diri.
