BURIAS, Mambusao, Capiz – Pormal na nga ginbuksan ang Food Quality and Safety Laboratory para sa food safety testing laboratory kag machine design facility sa Capiz State University Mambusao Capus.
Sa interview sang Bombo Radyo kay Dr. Marife R. Hilapad, Project Leader sang QualiSafe Laboratory, iya ginpahayag nga ang rason sa paghimo sang QualiSafe Lab is mapasangkad pa ang kapasidad tagsa ka researcher agud nga makasabay ang CapSU students sa iban pa nga universities.
Suno kay Hilapad tinutuyo sini man nga pagpabakod sang physical, chemical, and microbiological testing bilang kapasidad para sa food seafood kag iban pa nga mga produkto nga pagkaon sa Capiz.
Pahayag pa niya nangin kabahin sa paghimo sini ang matawag tah nga developers ang Capiz State University “CapSU” Mambusao students last year, food technology halin sa Capiz State University “CapSU” Dayao, kag Bio Agricultural System Engineering nga halin naman sa Capiz State University “CapSU” Burias Campus.
Dugang pa sang natungdan mahimo nga makakadto ang tagsa ka estudiante ukon ang naga condusct sang ila thesis sa dugang nga pagbulig sa Food and Industrial Technology Research and Development Center ilabi na sa mga kinahanglanon nga may kaangtanan sa food safety testing kag research.
Sa karon ginapaabot nga paagi sa amo nga mga pasilidad, dugang nga mapabakod ang research kag development capabilities sang Capiz State University kag makahatag sang oportunidad sa mga estudiante kag researchers nga magamit ang mga laboratory facilities para sa ila mga proyekto kag pagtuon.
