Tutukan sang gobyerno ang Coconut industry sa idalom sang Free Trade Agreement (FTA) sa tunga sang Pilipinas kag European Union (EU).
Suno kay Palace Press Officer Undersecretary Claire Castro, luyag nga pabaskugon ni President Ferdinand Marcos Jr ang mga coconut farmer kag exporter bangud dako ang potensyal sang produkto sang lubi sa international market.
Ini kasunod sang pagtapos sang negosasyon para sa FTA, nga ginatuyo nga pirmahan sa 2027.
Suno kay Castro, importante ang kasugtanan bangud ang EU Generalized Scheme of Preferences (GSP) nga nagahatag sang preferential tariff treatment sa pila ka mga produkto sang Pilipino ang natalana nga maga-expire sa 2027.
Sa idalum sang FTA, ang Pilipinas ang may yara sang permanente nga trade agreement sa EU nga ginalauman nga magabukas sang dugang nga oportunidad para sa mga exporters, micro, small and medium enterprises (MSMEs), kag mga mamumugon.
