Kinahanglan nga mapanabat ang mga opisyal sang gobyerno nga mapamatud-an nga may kahilabtanan sa korapsyon kag indi lang sa impeachment proceedings ni Vice President Sara Duterte suno kay ACT Teachers Party-list Representative Antonio Tinio.
Sa interview sang Bombo Radyo kay Tinio, ginpahayag sini nga dapat mapalapad ang accountability sang mga opisyal nga involved sa korapsyon, lakip na ang mga isyu may kaangtanan sa flood control projects, agud nga indi pila lang ka mga personalidad ang maga-atubang sa kaso.
Para kay Tinio, importante nga ang isyu sang accountability ang indi lamang nakasentro sa isa ka impeachment case, kundi sakop sini ang tanan nga mga opisyales nga mapamatud-an nga may kahilabtanan sa korapsyon, ano man ang ila posisyon, agud nga maamligan ang pundo kag interes sang publiko.
