Liwat nga ginpamatud-an sang Bombo Radyo Philippines ang ikasarang sini sa patag sang broadcasting matapos magdaug sa 29th Golden Dove Awards sang Kapisanan ng mga Brodkaster ng Pilipinas
(KBP).
Kalakip sa mga nagdaug amo ang Star FM Bacolod para sa Best FM Radio Station – Provincial
Nagdaug man ang Bombo Radyo Roxas sa Best Radio Station Promotional Material
Samtang, ginkilala naman ang Bombo Radyo Koronadal para sa Best Sports Program
Ang KBP Golden Dove Awards amo ang tuigan nga programa sa pagkilala sang Kapisanan ng mga Brodkaster ng Pilipinas nga nagahatag sang pagpasidungog sa mga talalupangdon nga programa, personalidad, estasyon, kag roduction work sa broadcasting.
Samtang, walo pa ka mga finalist entries gikan sa Bombo Radyo Philippines ang nagrepresentar sa network sa nagkalain-lain nga kategorya.
Best AM Radio Station – Provincial- Bombo Radyo Iloilo
Best FM Radio Station – Metro Manila-Star FM Manila
Best Newscast – Metro Manila- Bombo Network News
Best Newscast – Provincial- Bombo Radyo Cagayan de Oro at Bombo Radyo Iloilo
Best Special Program- Bombo Radyo Cebu
Best Public Service Announcement- Star FM Baguio
Best Radio Station Promotional Material-Star FM Baguio
Ang ini nga mga pasidungog dugang nga pagkilala sa padayon nga pagtinguha sang Bombo Radyo Philippines sa pagdul-ong sang dekalidad nga balita, makahulugan nga mga programa kag serbisyo publiko sa mga Pilipino sa bug-os nga pungsod.
Ang ini nga pagkilala labi pa gid nga nagasaulog sang Bombo Radyo Philippines sang 60 ka tuig nga Media Excellence, anum ka dekada nga pagdul-ong sang balita, impormasyon kag serbisyo sa bug-os nga pungsod.
Sa idalum sang pagpamuno sang Chairman sang Bombo Radyo Philippines nga si Dr. Rogelio M. Florete kag President kag CEO Margaret Ruth C. Florete, padayon nga ginaduso sang Bombo Radyo Philippines ang ikasarang, balanse kag responsable nga journalism.
Ginadedikar man sang Bombo Radyo Philippines ang ini nga kadungganan sa tanan, sa mga tagpalamati kag sumulunod nga padayon nga nagasalig kag nagasuporta sa network.
Bombo Radyo Philippines, The Number 1 Radio Network in the Country. Your Trusted Source of News and Information. Basta Radyo… Bombo!
