Ginsita ni Senator-Judge Raffy Tulfo ang House prosecution panel bangud sa ginaalegar nga pagpresentar sang mga witnesses nga wala sang may mabulig nga substantial sa impeachment trial ni Vice President Sara Duterte.
Suno kay Tulfo, may mga tion nga naga-usik lang sang tion ang trial bangud sa mga witness nga indi kinahanglan para sa hearing.
Suno sa iya, talalupangdon man nga may mga senador nga nagakadulaan sang atensyon samtang gina-usisa ang amo nga mga saksi.
Ginmitlang man sang senador nga ginkadlawan ang prosekusyon bangud kaangay nga nagapa-cute ang abogado sa witness nga pulis.
Ginpanindugan ni Tulfo nga dapat siguraduhon sang prosekusyon nga ang tagsa ka witness nga ila ginapresentar ang may yara sang importante nga impormasyon nga makabulig sa imbestigasyon sa kaso nga impeachment.
Matandaan nga nangin kontrobersyal ang nangin estilo sang direct examination ni House Prosecutor Bel Zamora kay Police Major Jerickson Sangalang, Records Division chief of the Philippine National Police Firearms and Explosives Office (PNP-FEO).
