Property ni Atty. Manases Carpio nga nagabalor sang P6 milyon, ginpresentar sa impeachment trial

Ginpresentar ni Davao City Register of Deeds IV Kathy Florence Baldonado nga may ginapanag-iyahan nga property si Atty. Manases Carpio nga nagabalor sang P6 million.

Suno kay Baldonado, ang 379-square-meter property ang nahamtang sa Barrio Matina, Davao City.

Ginpahayag nga gindala man ni Baldonado sa impeachment trial ang mga dokumento nga ginpatawag paagi sa subpoena, lakip ang Certified True Copy sang Transfer Certificate of Title, Deed of Sale, Bill of Property Tax Clearance, kag Official Receipt of the Transfer Tax.

Ginkumpirmar man ni Baldonado nga ang propedad ginbakal sa balor nga P6 million sang Hulyo 2024 kag ginprenda sang Agosto 2024 sa balor nga P8 million.