Napasalwan ang mga opisyal sang Tennessee sa execution kay Christina Gail Pike sang Miyerkules, Septyembre 30, pagkatapos nga nagpabilin siya nga bugtaw pagkatapos sang una nga lethal injection.
Suno sa iya mga abogado, si Pike ginhatagan sang duha ka doses sang pentobarbital, apang ginreport nga nagpabilin siya nga nagabugtaw kag nabatian pa ini nga nagahagok sang mabaskog.
Ginhimo ang una nga pag-inject sa iya las 7:27 sang gab-i, kag ang ikaduha nga doses ang ginhatag sa iya las 8:26 sang gab-i antes siya gindala sa isa ka ambulansya.
Si Pike nag natalana kuntani nga bitayon may kaangtanan sa isa ka pagpatay nga iya nahimo sang 1995, sang 18 anyos pa lang ini.
Samtang, nag-file naman ang iya mga abogado sang emergency motion sa U.S. Supreme Court kag iban pa nga mga korte nga pauntaton kag ipaisol ang execution.
