Nakakuha na sang 19 ka medalya ang Pilipinas, lakip ang tatlo ka gold, sa nagapadayon nga 2026 Asian Games sa Aichi-Nagoya, Japan, nga ginahimo halin Setyembre 19 tubtob Oktubre 4, 2026.
Suno kay Bombo Hannah Galvez, International Correspondent in Japan, iya ginpahayag nga padayon nga pagpakita sang mga Filipino athletes sang maayo nga performance sa nagkalain-lain nga sports.
Ang tatlo ka gold medal sang Pilipinas ang nakuha ni Carlos Yulo sa men’s floor exercise kag vault sa artistic gymnastics, samtang ang ikatatlo nga gold medal ang gindala ni EJ Obiena sa men’s pole vault.
Nakakuha man ang Pilipinas sang apat ka silver kag dose ka bronze para sa kabug-usan nga 19 ka medalya.
Samtang, nadugangan pa ang medal haul sang Pilipinas matapos makakuha sang silver medal si Amaya Amparo Cojuangco sa women’s compound individual archery, matapos mapierdi sa gold medal match batok kay Indonesia’s Nurisa Dian Ashrifah, sa score nga 139-137.
Dugang pa sang natungdan, padayon pa ang kompetisyon sa Aichi-Nagoya kag may yara pa sang mgaatleta nga magapakigbato para sa dugang nga medalya antes matapos ang Asian Games sa Oktubre 4.
