Ginpasalig naman sang Department of Agriculture (DA) sa publiko nga bastante na ang supply sang pagkaon sa pungsod subong sa pamahog nga dala sang super El Niño sa masunod nga mga binulan.
Suno kay Agriculture Secretary Francisco Tiu Laurel Jr., nagapreparar na ang gobyerno sa posibilidad sang grabe nga epekto sang nasambit nga super El Nino.
Importante suno sa iya nga pun-an sang bugas kag humay ang mga bodega sang National Food Authority (NFA) sa tion nga magnubo ang produksyon bangud sa El Niño madamo sang buffer stocks.
Diri ginapaathag nga may pondo ang gobyerno para madugangan ang mga abono sa diin may pila ka mga lugar nga madamo sang tubig.
Pahayag pa niya ang isa ka paagi amo ang makaangkon sang dugang nga 65 ka mga bodega sa nagkalain-lain nga bahin sang pungsod sa diin may yara na karon sang kabug-usan nga 364 ka mga bodega sa bug-os nga pungsod.
