Ginapabaskog sang Police Regional Office 6 (PRO6) ang mga pagtinguha sa pagpasanyog sang mas luwas nga mga eskwelahan paagi sa pag-engganyo sa mga estudyante, ginikanan, manunudlo, kag publiko nga magpractice sang responsable nga pagginawi sa online kag gilayon nga magreport sang mga makaduluda ukon makaalarma nga mga mensahe.
Ang panawagan ang kasunod sang magkatuhay nga mga insidente may kaangtanan sa eskwelahan sa Antique kag Capiz nga may kahilabtanan sang online messages nga nagtuga sang concern concern sa seguridad.
Ang mga yunit sang kapulisan gilayon nga nagkoordinar sa mga natungdan nga mga eskwelahan, mga ginikanan, mga local government unit, mga social welfare offices,, kag iban pa nga nagakaigo nga mga ahensya sa pag-usisa sang mga insidente, pagsiguro sang kaluwasan sang mga estudyante kag mga tinawo sang eskwelahan, kag paghatag sang kinahanglanon nga mga intervention.
Nagpahanumdom man si Regional Director PBGen. Randulf Tuaño sa mga estudyante nga mangin responsable sa paggamit sang social media kag messaging platforms may importante nga papel sa pagmentinar sang luwas nga palibot sang eskwelahan.
