Patay ang indi magnubo sa 10 ka sibilyan samtang siyam naman ang pilason, matapos naglunsyar sang airstrikes ang Pakistan sa duha ka Afghan province.
Suno sa Ministry of Information sang Pakistan, gin-target nila ang mga hideout sang militante nga grupo sa duha ka lokasyon kag santo sa ila inisyal nga report, 22 ka militante ang napatay.
Wala naman ini naghatag sang direkta nga komento sa report nga may naulamid nga sibilyan.
Ginkumpirma sang United Nations mission sa Afghanistan nga lakip sa napulo ka napatay ang mga kabataan, sa southern province sang Helmand kag sa eastern province sang Kunar.
Nahibaluan na madugay na ang conflit sa tunga sang duha ka pungsod kon sa diin padayon nga nagabaylohanay sang opensiba kag tubtob subong wala gihapon naresolba ang isyu sa cross-border.
