Nagpaandam ang pila ka mga eksperto sa posible nga privacy kag national security risks nga kaangtanan sang paggamit sang Chinese-made electric vehicles ukon EVs sa Australia.
Sandig sa mga report, ang Chinese electric vehicles may mga teknolohiya pareho sang cameras, microphones, GPS kag iban pa nga sensors nga makahimo sa pagkolekta sang datos parte sa salakyan kag driver.
Tungod sini, ginakabalak-an sang mga eksperto kung paano ginakolekta, ginastorage kag ginatransfer ang amo nga impormasyon.
Suno kay Bombo Denmark Suede, International Correspondent in Australia, may yara sang pagkabalaka nga mahimo maghalin sa paggamit sang Chinese EVs, ilabi na sa posibilidad nga ang sensitibo nga impormasyon sang mga driver mahimo ma-access ukon ma-process sa gwa sang Australia.
Ginapadayon man sang Australian government ang pagpatuman sang mga cybersecurity requirements para sa connected vehicles agud maprotektahan ang mga motorista kag ang sensitibo nga vehicle data.
