Ginapaandaman sang Philippine Consulate General sa Los Angeles ang mga Pilipino Community sa Southern California bangud sa delikado kag malawig nga heat wave nga nagadala sang sobra nga temperatura sa rehiyon.
Suno sa National Weather Service, isa ka Extreme Heat Warning ang gin-isyu para sa dalagku nga bahin sang Los Angeles kag Orange County sa diin ang temperatura mahimo maglab-ot sa 102 tubtob 107 degrees Fahrenheit sa pila ka mga lugar sini nga weekend.
Bangud sini, ginpanugyanan sang Consulate ang mga Pinoy nga mag-stay hydrated, limitahan ang outdoor activities, kag magtinir sa mabugnaw ukon air-conditioned nga mga lugar agud malikawan ang mga balatian tuga sang sobra nga kainit.
Hugot man nga ginpahanumdom sang mga otoridad ang publiko nga indi gid pagbayaan ang mga kabataan, katigulangan, kag mga hinuptanan sa sulod sang naga-park nga salakyan bangud sa madasig nga pagtaas sang temperatura diri nga posible makapatay.
