Ginapanawagan sang isa ka legal expert sa mga micro taxpayer nga mag-angkon sang ihibalo kag magsabat sa mga kinahanglanon antes mag-avail sang One-Time Tax Abatement program sang Bureau of Internal Revenue ukon BIR.
Sa interview sang Bombo Radyo kay Atty. Pritz Rvin Co Garcia sang Integrated Bar of the Philippines-Capiz Chapter, iya ginpahayag nga indi dapat magdesisyon ang taxpayer base lamang sa ₱5,000 nga abatement fee, kundi kinahanglan anay nga ma-verify kon kwalipikado ini kag kon ano gid ang iya mga tax liabilities nga sakop sang programa.
Suno kay Atty. Garcia, importante man nga makompleto ang mga dokumento kag masunod ang mga deadline sa proseso, lakip na ang pagbayad sang abatement fee kag pagsumiter sang proof of payment sa ginprescribe nga tion.
Pahayag pa niya,ang anuman nga paglapas sa mga requirement kag deadline mahimo makaapekto sa application sang taxpayer.
Dugang pa sang natungdan, kinahanglan maintindihan sang publiko nga ang tax abatement indi pareho sang tax exemption ukon blanket nga pagcancelsang tanan nga obligasyon sa tax kundi isa ka limitado nga tax relief nga may yara sang specific nga qualifications kag requirements nga dapat masunod.
