Pilason ang duha ka mga motorista sa nagluntad nga vehicular accident sa Sitio Tambak, Barangay Dinginan, Roxas City.
Ang mga biktima amo si alyas “John”, 26-anyos kag ang angkas sini nga si alyas “Sandrian”, 24-anyos nga lunsay mga residente sang nasambit lugar.
Samtang, ang driver naman sang isa pa ka motorsiklo amo si alyas “Kenneth”, 22-anyos kag residente naman sang Brgy. San Jose, Roxas City.
Sa interview sang Bombo Radyo kay Police Lieutenant Colonel Rogelio L. Tomagtang Jr., Chief of Police sang Roxas City Police Station, iya ginpahayag nga samtang ginasubay nanday alyas “John” ang dalan kag pag-abot sa lugar hinali nalang ini nga nakabunggo sa nagasugata nga motorsiklo.
Suno kay Tomagtang, gilayon naman ini nga ginpadala sa ospital samtang yara naman sa estable nga kondisyon si alyas “Sandrian”.
Sa subong, padayon pa ang imbestigasyon sang mga kapulisan sa amo nga insidente.
