-- ADVERTISEMENT --
Ginpakita sang Filipina beauty queen kag model nga si Gazini Ganados ang iya katahum kag runway powers matapos magpasakop sa Paris Fashion Week 2026 sa Paris, France.
Makit-an ang mga litrato ni Gazini nga nagalakat runway sa Grace Steadfast fashion show nga nagasuksok siya sang fitted pink gown nga gin-designan sang blue kag silver nga mga beads kag gemstones.
Matandaan nga si Gazini ang nangin tiglawas sang Pilipinas sa Miss Universe 2019 matapos ginkoronahan bilang Miss Universe Philippines, sa diin nakatapos ini sa Top 20 kag nagdaug sang Best National Costume award.
Subong nga tuig ginrepresentar man niya ang pungsod sa una nga Miss Grand International All Stars pageant sa Thailand, sa diin nakasulod siya sa Top 5.
