Gin-athag sang Punong Barangay sang Barangay Jolongajog, Pontevedra ang isyu angut sa mga pangalan nga wala madala sa listahan sang ayuda para sa RSSI.
Sa interview sang Bombo Radyo kay Punong Barangay Dunton, nagpadulong ang nasambit nga tagreklamo sa iya talatapan agud kuntani nga maghingyu nga malakip ang iya pangalan sa listahan sang mga benepisyaryo.
Suno kay Dunton, gin-eksplikar sini nga apisar nga sa Barangay Jolongahog ini naga-ubra kag nagaboto apang ang address sini ang nakalista sa Barangay Cabungahan, Maayon, Capiz.
Bangud wala sila nag-intindihanay, gin-refer sini ang nagareklamo sa opisina sang Department of Agriculture agud nga mas ma-eksplikar ang tanan.
Pahayag pa sini, ginasunod lang nila ang ginhatag nga guidelines sa pagpanagtag.
Nahibaluan nga 139 ka mga laborer kag tag-iya sang katubuhan ang benepisyaryo sang nasambit nga pagpanagtag sang ayuda.
