Wala sang record ang tag-iya sang balay nga si Juvy Bagares kun sa diin nadakpan ang isa sa mga suspek sa pagluthang-patay kay Police Captain Rian Ampoyos sa ila sini nga barangay.
Sa interview sang Bombo Radyo kay Punong Barangay Dominador Burata, iya ginpahayag nga may yara sang isa ka insidente kun sa diin nakapalupok sang armas si Bagares apang wala sang may nagreklamo.
Suno kay Burata, may yara sang mga hupot nga armas si Bugares apang ginaalegar ginahulat pa sini ang lisensya.
Gin-athag pa sini nga indi sini personal nga kilala si Leonil Deocampo bangud indi ini residente sang nasambit nga banwa.
Nahibaluan nga nagapabilin nga at large si Bugares matapos makuhaan sang armas sa iya sini nga puluy-an.
Nagpanawagan man ang natungdan sa publiko nga likawan ang paghupot sang iligal nga armas ilabi na kun wala sang lisensya agud nga mapahilayo sa anuman nga insidente nga mahimo magtuga sang kahalitan.
