Nadakpan na ang isa pa sa mga ginatudlo suspek sa pagluthang-patay kay Police Captain Rian Ampoyos.
Natigayon ini nga malalip sang otoridad, sa Sitio Tagulab, Brgy. Poblacion, Dumarao, Capiz
Ang nadakpan amo si alyas Andy, 24-anyos kag residente sang Brgy. Bungsuan, Dumarao, Capiz
Sandig sa imbestigasyon sang mga kapulisan, ginserbehan si Alyas Andy sang warrant of arrest para sa kaso nga murder nga may kaangtanan sa paggamit sang unlicensed firearm.
Ang warrant gin-isyu ni Judge Sesinio Navales Belen Jr. sang Regional Trial Court Branch 15 sa Roxas City sang Agosto 12, 2026, kag wala sang ginrekomendar nga piyansa.
Ang pagdakop ginpatigayon sang 2nd Capiz Provincial Mobile Force Company bilang lead unit, kaupod ang PIT Capiz, RIU 6, PIU Capiz, 1st Capiz PMFC, Pontevedra MPS kag Dumarao MPS.
Sa subong, yara na sa kustodiya sang Dumarao Municipal Police Station si Garcia para sa nagakaigo nga disposisyon samtang ginahulat ang iya pag-turnover sa korte nga nag-isyu sang warrant.
