Ginmando sang Makati Regional Trial Court ang pag-aresto kay Representative Leandro Leviste bangud sa ginaalegar paglapas sa Public Service Act.
Suno kay National Bureau of Investigation (NBI) Director Melvin Matibag, gilayon nga magakoordinar ang mga otoridad sa Bureau of Immigration (BI) agud mahibaluan ang opisyal nga status kag nahamtangan ni Leviste para sa katuyuan nga ipatuman ang pagdakop.
Ulihi nga ginreport nga yara sa France si Leviste kaupod ang iya iloy nga si Senador Loren Legarda nga sa karon padayon nga nagapabulong didto.
Ginalauman nga magapagwa sang opisyal nga pahayag ang kampo sang mamalidha angut sa legal nga tikang nga ila pagahimuon agud masabat ang mando sang korte.
Padayon ang monitoring sang NBI sa pagsulod kag pagguwa sang mamalidha agud masiguro ang matalunsay nga pagserbisyo sang arrest warrant sa ila pagbalik sa Pilipinas.
