Nagapreparar na ang Department of Energy (DOE) sa posible pagtaas sang demand kag shortage sa supply sang kuryente bangud sa mas mainit nga panahon tuga sang Super El Niño.
Suno kay Energy Secretary Sharon Garin, posible man nga magtaas ang presyo sang kuryente bangud sa supply and demand sa Wholesale Electricity Spot Market ukon WESM.
Pahayag pa nga posible maapektuhan ang power generation capacity sang pungsod kon magnubo ang tubig sa mga suba nga ginagamit sang mga hydropower plants, samtang mahimo man nga magnubo ang efficiency sang mga coal plants.
Samtang, ginpahayag sang DOE nga ang pagnubo sang fuel exports sang China ang wala pa naka-apekto sa supply contracts sang mga kumpaniya sang langis sa pungsod.
Apang ginalauman nga magapabilin nga mataas ang presyo sang gatong sa masunod nga mga binulan bangud nagasalig ang Pilipinas sa imported nga gatong.
