Nagtuhaw ang pangalan ni Davao-based businessman Samuel “Sammy” Uy sa nagapadayon nga impeachment trial kay Vice President Sara Duterte, may kaangtanan sa tseke sang isa ka manager nga nagabalor sang P16 million.
Ini ang ginkumpirmar ni Marwin Galvez, isa ka witness gikan sa Bank of the Philippine Islands ukon BPI, nga si Uy ang rehistrado nga payee sang tseke sang manager nga napetsahan Mayo 30, 2016.
Ginpakita ni Galvez ang record sang nasambit nga tseke bilang kabahin sang financial documents nga ginpresentar sang prosecutor sa Senate impeachment court.
Si Uy ang isa ka negosyante nga nakabase sa Davao nga may kaangtanan sa pamilya Duterte sa mga alegasyon nga gin-istoryahan sa impeachment proceedings.
Samtang, matandaan nga una nga nagtuhaw ang pangalan ni Uy kag ang alegasyon nga naghatag ini sang minilyon nga kwarta sa pila ka mga miyembro sang pamilya Duterte.
